BUKU RANDAI

TELAH TERBIT
Buku Baru

Judul: Perjalanan Randai, Ucak Gumarang
Penulis: Nur Atika, et.al
ISBN: 978-602-50615-4-7
===================
Buku ini hadir di tangan anda menceritakan histori lahirnya grup randai versi program studi sastra Melayu Fakultas Ilmu Budaya Universitas Lancang Kuning khasnya kelas B. Dalam kurun waktu yang cukup singkat (dua bulan) sudah bisa ditampilkan dalam acara perdana yaitu dalam acara “Semarak Budaya” Fakultas Ilmu Budaya UNILAK, sebagai bukti kekompakan kelas ini. Dengan hanya memperhatikan gerak tarian randai Kuantan sekali saja di Teluk Kuantan tepatnya pada momen pacu jalur 28 Oktober 2016.

***
Semangat dan kekompakan kelas B ini terdiri dari enam Kabupaten Kota Provinsi Riau menyempatkan waktu latihan sekali sepekan, disitu juga harus ditulis ceritanya dan dengan berbeda pula judul naskah pada setiap peran yang ditampilkan, bagaimana proses grup randai ini mampu bertahan hingga saat ini?, jawabannya ada didalam buku sederhana ini.

***
Grup randai ini diberi tajuk “UCAK GUMARANG” yang ditulis oleh Nur atika bersama teman-temannya dan tidak lepas dari binaan dosen Bapak Juswandi, S.S., M.A. Buku ini bertujuan untuk menunjukkan bahwa randai ini tidak hanya ada di masyarakat umum saja, namun tradisi randai ini juga hidup di kalangan kampus, sekaligus memberi motivasi kepada adik-adik kelas supaya lebih berinovatif, kreatif kedepan sehingga dapat membawa nama baik dan bermanfaat bagi pembaca maupun Fakultas Ilmu Budaya Universitas Lancang Kuning Pekanbaru.

‘panjek-panjek tabalusui’

Tanjuang putui2x suborang karak

Tompek rang awak barulang mandi 2x

Bori la ampun kek urang banyak

Ikola dendang kuantan singingi

Tobangla tobu di ari sonjo

Dimakan anak rang koto benai

Kami malogu basamo-sama

Logu nyo randai dondang sarunai

Urang toluak mamboli bore

Bore diboli rang bandar alai

Bungo dijuluak raso kan erore

Ruponyo bungo baralia tangkai

Tanam la jaguang di ujuang pulau

Ditanam mondek di pulau baru

Urang la kampuang jauah dirantau

Ikola llogu pa ubek rindu

Poi kasurau bontangan lapiak

Nantian guru baru mangaji

Urang dirantau bilo kanbaliak

Kuantan singingi rindu mananti

Abi sagu di pulau kumpai

Diracik urang di tonga malam

Kami malogu sambial barandai

Untuak mambangkik batang tarondam

‘Pucuak pisang’

Iyo silasiah dipadang pulai

Kami ndak mintak la disampaikan

Kasiah lasayan jolong bamulai

Kami nak mintak la disampaikan

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

Jikok la bonti bontangkan lapiak

Awak la bonti di simpang jalan

Jikok bang sobuik sayang kek adiak

Tujua la ari koyang ndak makan

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

Pado marando diak elok balaki

Pado kan adiak kan tiduar surang

Raso kan ruruik nan rangkai hti

Manengok adiak jalan jo urang

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

Duo tigo kuciang balari

Indak sarupo jo kuciang bolang

Duo tigo dapek bang cari

Indak sarupo jo adiak surang

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

Lai taniat nak cri gonti

Jando nanlamo takonang juo

Siang jo malam baibo ati

Takonang badan iduik marando

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

Jikok ladapek pilin bapilin

Sabola ujuang abang pilin kan

Jikok la dapek kirim bakirim

Sabola jantuang abang kirimkan

Pucuak-picuakla pisang daun-daun kaladi  . . . pucuak-pucuak la sayang mari samo manari . . .

‘lomak dek awak katuju dek urang’

Kubalo urang kubalo awak

Urang kubalo di koto tuo

Badunio urang badunio awak

Urang badunio dengan adanyo

lamak dek awak tuju pulo dek urang . . . lomak dek urang katuju pulo dek awak . . . .

Nantarotang pulau tarontang

Nantarontang banyak rang kari

Adiak nan rancak ilang sapotang

Ilang kamano kan abang cari

lamak dek awak tuju pulo dek urang . . . lomak dek urang katuju pulo dek awak . . . .

Iyo karambial la tinggi-tinggi

La tapijak bayang-bayang nyo

Lain la pulo rang gadi kini

Indak batumpak tompek sayang nyo

lamak dek awak tuju pulo dek urang . . . lomak dek urang katuju pulo dek awak . . . .

Iyo kadududk sidulang-dulang

Padi di jangan urang robuik

Kok duduak adiak la dengan urang

Kami nan bujang nan urang sobuik

lamak dek awak tuju pulo dek urang . . . lomak dek urang katuju pulo dek awak . . . .

Anak ayam ciok manciok

Ciok manciok di bawa lado

Anak urang  hai sayang jangan di baok

Jikok di baok hai sayang bori balanjo

lamak dek awak tuju pulo dek urang . . . lomak dek urang katuju pulo dek awak . . . .

Anak ungko siamang putia

Mati baguluang konai sumpitan

Mamandang sajo kami nan bulia

Bungo tarapuang tonga lautan

lamak dek awak tuju pulo dek urang . . . lomak dek urang katuju pulo dek awak . . . .

“ lamak dek awak tuju pulo dek urang”

Lailiar jaluar la rawang udang

Ditonton anak nde diak rang simandolak

Paya labonar di rantau urang

Urang bapacu awak ndak baliak

lamak dek awak tuju pulo dek urang . . . lomak dek urang katuju pulo dek awak . . . .

Desa banamo nan pulau godang

Iyo badokek nan kampuang toar

Kok iyi adiak sayang kek abang

Tunggula abang suda bapacu jaluar

lamak dek awak tuju pulo dek urang . . . lomak dek urang katuju pulo dek awak . . . .

Poi kamudiak kakampuang baru

Rami ndek anak la urang kari

Adiak bajonji la suda pacu

Mangapo kini adiak ingkari

lamak dek awak tuju pulo dek urang . . . lomak dek urang katuju pulo dek awak . . . .

Poi kaulak ka pulau ingu

Singga sabontar di suborang

La ponek abang iyo manunggu

Ruponyo adiak la poi lai dengan urang

lamak dek awak tuju pulo dek urang . . . lomak dek urang katuju pulo dek awak . . . .

Patuik badan lupo kakampuang

Ula dek lamo diak di rantau urang

Indak lalau kawin di kampuang

Kawin lalari diak karantau urang

lamak dek awak tuju pulo dek urang . . . lomak dek urang katuju pulo dek awak . . . .

Iyo tasobuik marantau cino

Indak kan badan babaliak lai

Jikok la awak bamain cinto

Cubo pikiarkan sakali lai

lamak dek awak tuju pulo dek urang . . . lomak dek urang katuju pulo dek awak . . . .

“Bajonji di rawang udang”

Karuntuang tombuak ladari jao

Kan abang baok kakopa beko

Kamano untuang kan abang baok

Untuang la suda nan di badan ko

Lai takonang bang di rawang udang

Disitu mulo pandang partamo

Mungko nyo hati la mulai sayang

Kirim bakirim asal mulonyo

Baju laputia diak jolong bapakai

Kan abang baok malantian pauah

Kasiah lasayang diak jolong bamulai

Kan abang baok bajalan jauah 2x

intro

Abang lai indak diak mangarang bungo

Abang mangarang si bungo lunang

Abang la indak diak mangaku punyo

Abang mananti la lobiah urang 2x

Banyak lai kain la den ko kain

Indak lai ado bang sajarang iko

Banyak lai main la den ko main

Indak lai ado bang sasayang iko

Abang lai indak diak picayo lai

Pinang la mudo mipi kuliknyo

Abang lai indak diak picayo lai

Urang marando mani muluik nyo

“Empat dara”

Simpang la tigo digaja putiah

Jalan manuju ka pasar benai

Mamandang sajo kami nanbulia

Batang latubuah urang mamakai

Iyo tasobuik rantau sialang

Kampuang badokek suborang pantai

Awan bakabuik bumi tapanggag

Manangguang sayang ndak kunjuang sampai

Sapu tangan panyapu tangan

Tibo ditangan panyapu muko

Kanduang manipu yo baradopan

Allah taalah kan sosinyo

Balai lagodang yo di caronti

Bonduanl saukuar yo kasadonyo

Badan nan indak bakociak hati

Sapo nanmujuar yo kan dapek nyo

“Panjek panjek tabalusui’”

Iyo mandaki iyo mandaki ka padang torok

Abi mangombang bungo ilalang

Iyo la mati badan dek arok

Abang didalam latangan urang

Pulau komang pulau komang jo kampuan baru

Iko nagori nyo urang tajo

Biar jo urang kanduang daolu

Kami nan banyak sangsaro nyo

Urang pangian urang pangian poi ka moka

Manompua riak jo galombang

Bakapo lauak kan masuak luka

Iyo di huni dek borang borang

Pulau godang pulau godang kampuang rang kari

Bola kamudiak nyo storajo

Jangan manumpang biduak nan tiri

Kanduang manumpang yo karam sajo

 “Angin malam”

Urang latoluak manjalo patin

Dapek kan lomak la duo tigo

Urang la jojok di dalam batin

Awak dek bongak kan sayang juo

Angin malam sampai kan salam den padonyo . .  angin lalu bisiakkan hati denai rindu . . .

Urang la loge mandulang ome

Muaro lombu rami dek jawi

Hati den kini la arok come

Raso baruba la dari jonji

Angin malam sampai kan salam den padonyo . .  angin lalu bisiakkan hati denai rindu . . .

Tinggi la bukik lereng malereng

Padi dilokuak la roba mudo

Bumi tatangkuik langik tagendeng

Sayang kek adaik indak kan lupo

Angin malam sampai kan salam den padonyo . .  angin lalu bisiakkan hati denai rindu . . .

Kayu la aro daun nyo lobek

Dahan manjulai topi kuantan

Dimano biduak deyen tasakek

Disitu kasiah deyen tambekkan

Angin malam sampai kan salam den padonyo . .  angin lalu bisiakkan hati denai rindu . . .

Den sangko pane la sampai potang

Kironyo ujan di tonga ari

Nyampang kok lope katangan urang

Kami nantinggal baibo ati

Angin malam sampai kan salam den padonyo . .  angin lalu bisiakkan hati denai rindu . . .

Kayu la aro topi kuantan

Tompek la makan si buruang punai

Malu kamano la den tumpangkan

Kasiah nan indak la kunjuang sampai

Angin malam sampai kan salam den padonyo . .  angin lalu bisiakkan hati denai rindu . . .

“itam mani”

Rimbun-rimbun daun kaduduak

Indak sarimbun si daun manggi

Di mano ati indak kan mabuak

Manengok adiak si itam mani

Di mano ati indak kan mabuak . . . Manengok adiak si itam mani

Iyo kok jadi kito baladang

Baladang kito di ladang binjai

Iyo banyak gadi bang pandang

Itam mani mambuek sansai

Iyo banyak gadi bang pandang . . . Itam mani mambuek sansai

Lomak bonar si buah manggi

Di makan anak nan mudo mudo

Banyak rupo rang gadi kini

Itam mani indak kan lupo

Banyak rupo rang gadi kini . . . Itam mani indak kan lupo

Batang banamo batang cubodak

Tumbuah badokek jo batang manggi

Ola di cubo cari nan rancak

Baralia juo ka itam mani

Ola di cubo cari nan rancak . . . Baralia juo ka itam mani

Di mano lomak rasonyo duduak

Minum te mani agak sagole

Biar basilang kori dikuduak

Nan itam mani indak kan lope

Biar basilang kori dikuduak . . . .Nan itam mani indak kan lope

Iyo kaulak tana bakali

Dipulau tonga awak nyuborang

Abang indak baralia lai

Iyo kek itam mani surang

Abang indak baralia lai . . . .Iyo kek itam mani surang